الأحد، أوت 24، 2008

قناة حنبعل الفردوس....كانت تشخر...زادت بف


ايا خوكم العربي نصرة بعد ما فددنا بالبرامج الخشينة متاع قناتو الهايلة حنبغل؛ او بعد ما اتحفنا بقناة حنبعل الشرق او مسلسالاتها الماسطة؛ قرر يزيد ايشرق شوية؛ او يدخل في الفريق متاع القنوات الخليجية او يعملنا قناة دينية؛ مالا علاش اسمو نصيرة هو؛ ماهو علا خاطرو نصير الاسلام و الرسول؛ مالا كيفاش؛ او هكاكا يكون المشهد متاع التدين الزائف الي ولا ظاهرة في المجتمع التونسي اكتمل؛ كان ناقصنا الاعلام الديني؛ هاهو جاكم؛ او قولوا عاد تونس خايبة او ماهيش عاطية قيمة للدين؛ آشنية الصحافة هي ؟؟ ماهي كورة او مسلسلات او فنانين او شوية دين؛ الجمهور عايز كده كيما يقولو؛ او يظهرلي العربي نصيرة عجبتو التجربة المضحكة الاقرب الى الكاريكاتورية للبرامج الدينية متاعو على قناة حنبعل فقرر باش يزيد يتحفنا بقناة كاملة في الموضوع.
توة زعمة آش باش تقدمنا هالقناة الخشينة؟ اسمها يدل على انو اللي باش يتفرج عليها باش يدخل الجنة طول؛ باش ايقصلو خوكم العربي تسكرة في الدرجة الاولى.
انا باش نحاول نتصور آش تقدم القناة هذي "للمؤمن" التونسي لانو مانتصورش انو خطابها باش يخرج عن الخطاب الرسمي المسموح به في تونس؛ يا سيدي او بعد ما تعود "المؤمن" التونسي على الخطاب السلفي متاع قنوات الخليج اللي ايجيبولو فيه "عالم" لحيتو ماخذة شطر الكاميرا؛ او اذا كلم مرا في التلفون ايسكر عيونو غضا للنظر؛ ما نتصورش كان حنبعل باش تكون خير من اختها قناة شبعة او باش تجيبنا مرا عريانة(في نظر المؤمنين المتابعين لهذه القنوات) تتكلم بعربية ركيكة و تحدثنا عن قيمة المرأة في الاسلام و كيف ان الدولة في تونس قد حررت المرأة اتباعا لقيم الاسلام السمحة(ما هو بورقيبة كان متدين ياسر هههه) او هذاكا علاش منعنا تعدد الزوجات مثلا؛ ولا ايجيبولنا واحد شايب ايقولننا راهو البروموسبور حلال. الخطاب الديني التونسي فارغ او بعيد عن الواقع؛ او زيد توة باش تولي الفضايح في التلفزة على عينك ياتاجر؛ او برا آش باش ايسلكها مع شبعة الروس المربطة في الشرق؛ باش تولي الحكومة تسلك فيها كيما مع فازة منع الحجاب؛ او اذا شدت بعضها ياسر تو ايقولو الاعلام مستقل في تونس او احنا خاطينا هههههه.توة ايجو لناس تعودت بمشهد اعلامي ديني سلفي؛ او ايجيبولهم واحد ايقوللهم راهو الحجاب موش ممنوع اما راهو المساك اللي ايشدو بيه المحرمة هو الممنوع على خاطر موش من تقاليدنا؟؟؟؟ او ايعدولك امام جمعة يتحدث عن قدسية العمل و قيمتو في الاسلام او دور الدولة او المسهولين حفظهم الله في توفير فرص العمل؛ او متناسي اللي شطر الناس اللي قدامو جايين ايصلوا باش يدعوا دعيوة لربي ثماش ما ينوب عليهم ربي بخديمة ياكلوا بيها الخبز؛ بالعربي يا سي العربي "المؤمن" التونسي ما عندوش ثقة في الخطاب الديني التونسي على خاطرو بعيد على الواقع او زيد جاي من جهة ابعد ما تكون عن الدين او فيه من الكذب ما يدخل للنار ههههه؛ بلاد ضارب فيها الفساد حتى النخاع او تحب الناس تسمعك؟؟؟؟ انت عجزت باش تعمل برنامج حواري واحد ناجح في قناة حنبعل؛ آش مدخلك في الدين باش اضحك على روحك الناس.توة بالله قولولي كيفاش اشهار حنبعل الفردوس ايجي بعدو اشهار لمسلسل مكسيكي فيه النساء تقريبا ما لابسين شيء؟؟؟؟ آخي تسخايلوا الناس بهايم؟؟؟ ولا هذاكا الاسلام الجديد متاع حنبعل؟؟؟ على كل حال انا يظهرلي باش نشيخوا بالضحك في هالقناة او امثالها في المستقبل؛ كيما شبعت الضحك توة في القنوات الشرقية او هذاكا علاش انا نقترح نعملو بودورو ديني يهتم بالجماعة هاذم خلي نضحكو شوي؛ ولو انو شيء ايبكي؛ اما هاني دازها بضحكة او لعبة؛ هيا انستم باش نمشي نشد قارد للهلال من توة قالك ممكن يهرب السنا ما يطلعشي على خاطرو حشام او ايفد كي يلقى الناس الناس الكل هازة روسها تعس عليه؛ رغم اللي هو قاللهم بالمسبق وقتاش باش ايشرف بحذاهم؛ اما آش تحب تعمل البهامة ديما اتبع فينا.

هناك 11 تعليقًا:

Al-Hallège يقول...

ما زالت قناة برنو Porno و يكتمل دين سي نصرة و يصبح يمشى على اربعة كالهايشة...فمرحبا بإسلام العربي نصرة

ولد بيرسا يقول...

باش نشيخو بالفتاوي الغولة متاعهم
أعمل طلّة على قناة الزّيتونة تو تفهم آش يستنّى فيك
أما راهو على كلّ، ماهاش باش تلقى روحها مع قنوات الإرهاب الشّرقيّة
على خاطرهم برشا و شيوخهم برشا و لحيهم طويلة برشا و عندهم قدرة إقناع أكثر من متاعنا
حتّى كيف يبداو يخرمو و يهزّو و ينفضو يصدّقوهم من غير حتّى مناقشة

khayati يقول...

سي نصرة ماهو إلا راجل أعمال... وين ثمة الدزة هو موجود وبالأخص وقت إللي مافيهاش مصروف... ياخي ماخذاش عديد المسلسلات بلوشي من التلفزة العمومية التونسية، ياخي المسلسلات التونسية الي يبثها في الشرق متاعو كيفاش شراها وبقداش... ويني الدولة والوزارة (الإتصال) والمالية وغير ذلك... تلفزة القرآن وضعاتو في منافسة مع "تلفزة الزيتونة" الجاية بعد البانكة... تومنافسة على الدين، آشكون اللي باش يهدي أكثر ويضربلو بقعة قريبة من الرسول ( VIP) في الجنة على حساب الدولة والشعب التونسيين...
وفي كل هذا وينو سي عبد الباقيييييي (العرماسي) رئيس محلس الأعلى للإتصال... موش على الخط...
الموضوع الآخر الكبير هو الإعلانات... حنبعل (بقنواتها)، نسمة باش يفكوا كل الإعلانات من القطاع العام... نفس سياية ساركوزي...
ملا سياسة إعلامية... يعطيهم الصحة، بحبوا ينافسوا القنوات الخليجية المكشطة بشوية أحاديث وبرامج وسطية...هههههه... وسط كمنجة.

Der Kameltreiber, Ladeeni ولد الصحرا يقول...

اهلا بولد الصحرا

يعطيك الصحة علي التدوينات

اللي صاير في تونس شي غريب

Big Trap Boy يقول...

ما فيها باس الراجل يعمل قناة دينيّة، آشكون يعرف يطيحش بإمام يفهّمو أنّها القلبة حرام. هههه

Hnani يقول...

يا ولد الصحراء كيف الخطاب الديني التونسي فارغ و بعيد على الواقع، آش نعملوا؟ منين انجيبوا خطاب ديني؟؟

حسب رايك، مادام تعرف إلّى الشعب التونسي قاعد يتفرّج عل القنوات الخليجية و متأثّر بيها، آما خير انخليوه معاهم ولا نعملو قنات لخطاب تونسي؟

StaticVoid يقول...

هناني: يرحم فمك!
اما خير؟؟؟؟
شد في مشومك لا يجيك ما اشوم! (و هاو déjà جا و تبطّح)

adam يقول...

@ hnani et StaticVoid
مالا كي الشباب التونسي يتغرم بالنازية؛ نقولوا هيا نعملوا خطاب نازي تونسي او شد مشومك لا يجيك ما اشوم؛
شنوة منين نجيبوه؛ علاه لازم نجيبوه؛ انا نحكي على الخطاب الديني الرسمي اللي ما نتصورش قناة حنبعل باش نخرج عليه اما ما قلتش اللي احنا عاجزين على انتاج خطاب ديني معتدل
@ weld issahra
Danke sehr :d
@ big trap boy
:d
@ الحلاج؛ ولد بيرصة و الخياطي
اكيد السيد رجل اعمال او عارف آش يعمل؛ اسهل حاجة توة هي تعمل قناة باش تربح؛ يا اما صدور او افخاذ يا شوية فتاوي للمؤمنين

HNANI يقول...

@adem
tawa fhimtek

ridha216 يقول...

السبت 21 فيفري 2009
مواطن يقاضي قناة «حنبعل»... وصاحبهـــــا أمـــــام التحقيق
مثل صباح أمس السيد العربي نصرة صاحب قناة حنبعل الفضائية أمام قاضي التحقيق بالمكتب الثاني بالمحكمة الابتدائية بتونس وذلك لسماعه بناء على شكاية تقدم بها أحد المواطنين الى وكالة الجمهورية بابتدائية العاصمة طالبا تتبع القناة المذكورة عدليا لأنها تعرضت إليه في أحد برامجها وعرضت صورته دون تصريح كتابي منه، وعرض قاضي التحقيق مالك القناة على القيس موجها له تهمة معالجة معطيات شخصية دون موافقة صاحبها. وأبقي السيد العربي نصرة بحالة سراح ومن المنتظر أن يتم استدعاء منشط البرنامج لسماعه حول نفس القضية.


عرض على القيس: عــلاء الشابي مثل أمس أمام التحقيـــق
الثلاثاء 24 فيفري 2009 الساعة 10:30:20 بتوقيت تونس العاصمة

* تونس ـ الشروق :
مثل صباح أمس المنشط علاء الشابي أمام قاضي التحقيق بالمحكمة الابتدائية بتونس لسماعه بخصوص شكاية تقدّم بها مواطن من المنستير ضد حصة «المسامح كريم».
وعلمت «الشروق» انه في حدود العاشرة والنصف من صباح أمس مثل المنشط علاء الشابي أمام قاضي التحقيق بالمكتب الثاني بالمحكمة الابتدائية بتونس لسماعه بناء على شكاية تقدم بها مواطن من المنستير ضد قناة حنبعل وتحديدا احدى حصص برنامج «المسامح كريم» التي كان يعدّها ويقدّمها المنشط علاء الشابي. وبعد الاستماع الى تصريحاته عرض قاضي التحقيق المنشط علاء الشابي على القيس وابقائه على الحالة التي أحيل عليها «سراح»، وتتعلق التهمة الموجهة اليه بمعالجة معطيات شخصية دون موافقة صريحة وكتابية من صاحبها وتعمّد نشر معالجة معطيات شخصية بطريقة تسيئ لصاحبها ولحياته الشخصية والمشاركة في ذلك وفق الفصول 87/27/6/5/4 فقرة ثانية، والفصل 93 فقرة أولى من القانون المؤرخ في 2004/7/27 المتعلق بحماية المعطيات الشخصية والفصل 32 من المجلة الجزائية.

• سليم العجرودي
المسامح كريم: محكمة لا ترحم
لقد أصبح برنامج المسامح والجلاد كريم يلعب لعبة القاضي
والمتهم وهنا نشير إلى أن الأخ علاء الشابي تحول إلى الذي
قاضي لمحكمة عليا لا يناقش قراراته أحد ويستدعي الجلاد
ليجلد عدوه الذي من المفروض أن يكون البرنامج مساحة
الأخلاق وليس للتشفي وغرسللتسامح ورفعة الفتن بين
المواطنين فالمواطن حمدي الذي تعرض إلى عملية خيانة قذرة
حسب قوله أراد أن يفضح زوجته التي مازالت على ذمته،
والتي لم تأتي إلى البرنامج وخافت أن يقع فضحها أمام عشرة
ملايين تونسي، وأصبحت تطالب في علاء الشابي برفع قضية
،ضد زوجها حيث أن علاء يتيح للجلاد فرصة كبيرة للكلام وإبداء
رأيه ولا يترك الطرف المتهم في الحديث والدفاع عن نفسه،
نقول لعلاء الشابي إن برنامج المسامح كريم برنامج لتقريب
• وجهات النظر وليس لعبة الجلاد والمتهم.
هل سيتم إيقاف بث برنامج «عن حسن نيّة»؟

تونس ـ الصباح
ما مصير برنامج «عن حسن نية»؟ هل سيتواصل أم سيتم ايقاف بثه؟ تساؤلات عديدة ونقاط استفهام تبحث عن اجوبة.

علمت «الصباح» في هذا الشأن يوم امس من بعض المصادر انه قد يكون تم توقيف برنامج «عن حسن نية» الذي يبث على فضائية حنبعل منذ بضعة اشهر وتقدمه الاعلامية ايمان بحرون وثلاثة محامين.
وحسب ذات المصدر فانه من الاسباب التي يمكن ان تؤدي الى ايقافه وجود سلسلة من القضايا المرفوعة ضد البرنامج منشورة بمحكمة اريانة.
وبناء على ما علمته «الصباح» اتصلنا بالمحامي منير بن صالحة باعتباره واحدا من فريق البرنامج فقال انه فيما يتعلق بالقضايا المرفوعة ضده او ضد البرنامج والمنشورة بمحكمة اريانة لم يصله فيها اي بلاغ رسمي، وفيما يتعلق بمسألة ايقاف البرنامج من عدمه اعلمنا انه مجرد ضيف في «عن حسن نية» وليس مؤهلا للاعلان عن توقف البرنامج لان القناة وحدها هي المؤهلة لذلك.
العربي نصرة يوضح
ولمعرفة مدى صحة هذا الخبر اتصلت «الصباح» بالسيد العربي نصرة باعث قناة حنبعل فاعلمنا انه لا توجد لديه الان نية لايقاف اي برنامج من البرامج التي تبثها القناة، واضاف انه لم يتخذ القرار النهائي في هذه المسألة، وقال انه توجد احيانا برامج تستحق بعض «الريتوش» وبرامج اخرى ينسحب منها مقدموها بصفة تلقائية مثلما حصل مع علاء الشابي ومعز بن غربية فيضطر البرنامج للتوقف بصفة وقتية.
مفيدة القيزاني


لا يزال التحقيق متواصلا في قضية "العربي نصره" فبعد سماع هذا الأخير وكذلك "علاء الشابي" و"هالة الذوادي" تم صباح اليوم الإستماع إلى كل من تقني الإضاءة ومهندس الصوت ومصوّر برنامج "المسامح كريم" بإعتبارهم يخضعون في نفس القضية للتحقيق هذا وقد علمت "التونسية" أنّ قاضي التحقيق قد وجّه لهم نفس التهم وعرضهم على القيس وأبقاهم بحالة سراح.
التحقيق يتواصل في قضية "المسامح كريم"
26/02/2009
يتواصل التحقيق في قضية "المسامح كريم" فبعد الإستماع إلى "العربي نصرة" مدير قناة "حنبعل" و"علاء الشابي"، علمت "التونسية" أنّ قاضي التحقيق قد استدعى هذا اليوم المنشطة "هالة الذوادي" حيث تمّ سماعها ووجّهت لها نفس تهم "العربي نصرة" و"علاء الشابي" كما تمّ عرضها على القيس مع إبقائها بحالة سراح على ذمة القضية.
التونسية


DERNIERES NEWS
Tunisie : Larbi Nasra cède l’ensemble de ses parts dans Hannibal Interactive
30/03/2009


L’homme d’affaires tunisien et patron de la chaîne de télévision Hannibal TV, Larbi Nasra, a cédé l’ensemble de ses parts dans sa société Hannibal Interactive.
Hannibal Interactive est une SARL dotée d’un capital de 100.000 dinars et spécialisée dans les services de SMS à valeur ajoutée (jeux à la télévision par exemple).
La cession s’est faite sous forme de donation au profit de son épouse et ses deux filles, Najet et Saloua Nasra. Son épouse, Basma Bouthelja, a obtenu la moitié des parts cédées.

ridha216 يقول...

Tunisie: Arbi Nasra "de Facebook" annonce la fermeture de Hannibal Tv
15-04-2009
Le réseau social Facebook est un formidable outil pour créer un réseau de connaissance, pour nouer ou renouer des liens, pour sensibiliser un maximum de personnes à une cause voire même pour catalyser un projet ou en faire la publicité et ce n'est pas Barack Obama qui dira le contraire.

Cet outil peut par contre devenir dangereux quand vous êtes en face d'amis virtuels animés par de mauvaises intentions ou encore quand vous n'avez pas de compte facebook.

En effet, il est recommandable que toute personne s'inscrive sur facebook et sur quelques autres réseaux sociaux afin d'éviter l'usurpation d'identité.

Pas plus tard qu'hier, Sur Facebook, une personne se faisant passer pour M. Larbi Nasra, fondateur de la chaîne Hannibal Tv, et affichant une photo de profil du vrai Nasra, a diffusé une note sur son profil (et reprise par ses amis) annonçant son intention de fermer la chaîne privé tunisienne Hannibal TV et ce en date du 25/07/2009, ainsi que l’arrêt de la chaîne Hannibal TV Orient prévue pour le 15/09/2009.

Et d'ajouter « C’est bien dommage ?! Chaque TV qui disparaît… C’est un monopole qui se confortait… Des créateurs, acteurs, artistes, techniciens, journalistes et opérateurs divers seront emmerdés… Vive l’Internet, notre TV du futur… »....signé K.A !!

Bien que la formulation, la signature et le fait même que M. Nasra diffuse une information de cette envergure sur la toile m'a semblé étrange, je dois reconnaître que j'y ai cru!

Etonné par cette déclaration et pour s'assurer de la véracité de ces dires, Espacemanager a contacté la chaîne privée pour vérifier l'information et il se trouve que c'est un canular.

Cette petite histoire aurait pu avoir des conséquences dramatiques si la société Hannibal Tv était cotée en bourse.

Moralité: en une époque dite de surinformation, la toile, qui vit en temps réel, est le lieu idéal où fleurit le plus le mensonge et la calomnie.
L’existence de communautés d’internautes recherchant la moindre occasion de diffuser une nouvelle qui a un certain degré de rareté et de confidentialité rend Internet un domaine très sensible que les entreprises devraient prendre plus au sérieux !
Espace Manager