السبت، نوفمبر 14، 2009

الكرة ما تكذبش؛ نيجيريا تترشح او بهايمنا اوفياء على عهد البهامة


الحمد الله اللي تونس ما ترشحتش ؛ هذا شيء ايفرحني انا بصفتي تونسي نحب بلادي؛ على خاطرالتاريخ يثبت انوا وين يمشوا البهايم متاعنا ايضحكوا علينا العالم في كأس العالم؛ او على خاطرني نحب الكورة او نحب نتفرج على كأس عالم من غير عصب؛ كاس عالم مافيهاش لا تونس لا سعودية او انشالله ما تترشحش البحرين؛ او السبب الثاني اللي مخليني فرحان هو انو جاب بربي ماترشحناش ولا راهو مرجونا في التلفزة بالشباب او رعاية الشباب او تونس ارض الشباب؛ يا سيدي هانا ما ترشحناش؛ آش باش تقولونا توة على الشباب او رعاية الشباب؛انشالله تكون هذي فرصة باش تنقصوا من صرفان الفلوس على بهايم الكورة او تصرفوهم على الشباب بالرسمي؛ شباب تحت خط الفقر المادي او الثقافي او على جميع المستويات

هناك 4 تعليقات:

guyguoz يقول...

و الله عندك الحق المصيبة هاي بيناتنا كان ما يقولولنا من تو يلزمنا النخمموا في 2014 و يصرفوا أكثر ملّي صرفوا قبل أمالة كيفاش رقع . الله لا تباركلهم على العملة الصعبة اللي تعطات للقورّة بثلاثة نقاط على القاف

آدم الصالحي يقول...

@guyguoz
و الله يا صاحبي يظهرلي هذاكا اللي باش يصير :((

غير معرف يقول...

en plus ils auraient dit grace a lui, là il diront j'espere a cause de lui

علي رابح يقول...

كلامك زين يا سي ادم
خاطر جا الوقت الي لازم نرتاحو من الكورة و نولو فراجة مرتاحين
و معادس نحكو على الشباب خاطر في تونس
اما كوارجي و لا مزاودي و لا
لا لا لا لا لا
منحبوش مفكرين و لا مثقفين خارج دومان الكورة
خوفي من الكورة لا يجي نهار و دور و تولي ساعتها حكاية اخرى