الاثنين، جويلية 06، 2009

الرياضيين حرقوا.... مالا احنا آش قاعدين نعملوا؟؟؟؟


عندنا زوز رياضين مشاو لطاليا باش يلعبوا شوية سبور؛ آخي قطعوا الرباط او حرقوا؛ قالك مدالية او روح رياضية؛ هذا الرياضي الابن المدلل للنظام ماعادش عندو ثقة في بوه او قال نعبوها الرياضة او فلوسها؛ نحرق للطليان نبيعوا شوية غبرة خير؛ امالا احنا آش قاعدين نبيعوا في هالبلاد؟؟؟ قول هوما خلاونا حاجة باش انبيعوها؛ نقصد الرياضيين راهو هههه؛ او خاصة جماعة رفع الأثقال اختصاص الخطف؛ حتى لن يجي نهار تثقل عليهم الحملة او ايطيحوا

هناك تعليقان (2):

Big Trap Boy يقول...

في رفع الأثقال فمّا الخطف وفمّا النطر، ما ناقص كان يزيدو الغورة وتولّي رياضة وطنيّة بالحق ههههه

آدم الصالحي يقول...

@ big trap boy
la houma rahou zadouha inti ma fi balekchi??
hhhhhhh