الثلاثاء، جوان 30، 2009

حل لمشكل بطالة اساتذة الانقليزية.... استاذ انقليزية لكل نصبة فريب



اللي يمشي في الشارع التونسي او ايشوف الناس آش مكتوب في مراولها يتأكد اللي الشعب التونسي مازال ما يفهمشي مليح الانقليزية؛ او الشيء هذا حتى بين الشباب الصغير؛ الشيء المكتوب في المراول ايضحك او يعمل العار؛ ايحاءات جنسية بل او كلام جنسي واضح او الشعب موش هنا؛ البس او تعدى ههههههههه؛ مرة في المترو نلقى واحد لابس مريول مكتوب فيه "أنا حامل"؛ هههههه ما لمتوش ياسر على خاطر مكتوب بالألمانية؛ اما هاك الايامات في الجامعة نعس في الامتحانات نلقى وليد أشنب لابس مريول مكتوب عليه
Big Tits؛
اما اليوم شفت مرا ظاهرة بنت عايلة لابسة مريول يقول عكس ذلك هههههههههه مكتوب على المريول اللي هي مرا من هاك الجماعة؛ لذا انا نرا من الضروري انو السلط المحلية تتدخل او تحطنا استاذ انقليزية في كل نصبة متاع فريب ايفسر للشعب شنوة مكتوب في المراول؛ قبل ما نهبط للسراول او تولي لحكاية أخطر ههههههههههه
أهل العقول في راحة

هناك 6 تعليقات:

Big Trap Boy يقول...

:))))))))

صحيح والله ساعات تشوف شي يخلّيك لا تعرف تضحك ولا تندبهم

bent 3ayla يقول...

"اليوم شفت مرا ظاهرة بنت عايلة"
يااااا عقلتني في الشارع؟ يقوى عليك ربي!
اما يظهرلي ماغير ما نخسرو الدولة في شهاري الاساتذة، خاطر هوما بيدهم قريب تضربهم الحيوط و يدوروها يبيعو في الفريب

من بلد القيظ يقول...

أوّلا مبروك المريول الجديد متاع المدوّنة ههههه...الصحراء تبّع فينا حتّى في الحمّامات ...أمّا حكاية المراول والكتيبة والتصاور راهو شيّ يندّب ...عندي صورة لواحد لابس مريول يندّب صوّرتها عندي عامين تقريبا ،سوف أنشرها قريبا .

SNAWSI يقول...

تــعــجــبــنــي يــا آدم

Unknown يقول...

ena marra choft wa7ed labes marioul maktoub 3lih : PlayBoy 69. W normal :p

Nouri يقول...

Men can have big tits too, and sluts can look like "bent familia" even men can be pregnant now at least in the USA.
LOL