الثلاثاء، مارس 03، 2009

مسلم ولا كافر؛ كلوبيست ولا مكشخ؛ كسكسي ولا مقرونة...؛


نحل التلفزة نلقاها يا كلوبيست يا مكشخ؛ كبار او صغار؛ عزايز او رضع؛ تقول هذي تونس شعب شايخ ما عندهم حتى مشكلة كان آشكون باش ايهز البطولة؛ انبدل الشان نلقاها يا ملاهط تتشاطح يا لحي تتحلف او توعظ؛ فك علينا من التلفزة؛ خل هاك الخردة الزورديناتور؛ نلقاها شادة بعضها ربي ما ثماش يا بهايم؛ سكر يا كافر يامستك تو انسكروها المدونة متاعك بقدرة الله؛ الله أكبر؛ هيا سيب عليّ برا للقهوة؛ دخان قهوة؛ دخان قهوة ؛دخان قهوة حتى لن انحس روحي دخنت او شيطت؛ برا روح تعشى؛ كي العادة كسكسي ولا مقرونة؛ برا ارقد ؛ قوم اخدم او انت ماشي؛ ملاّ عيشة

هناك 3 تعليقات:

Tarek طارق يقول...

هههههههه.... يا و الله آدم... يظهرلي كتبت هذا الكل بش تحتج على المدام... ماهو اخذ موقف و طيب إلي تحب عليه

samsoum يقول...

هاو بش نجاوب خويا
-مسلم شويّه وكافر شويه
-مكشخ برشا
-كسكسي برشا ومقرونة برشا

ههههه و يزيد يقلك الله لا تقطعنا عادة

Adem Salhi يقول...

@tarek
آه خويا طارق انت يظهرلي تحب تعملي مشكلة مع المدام ههههه الله يهديك
@ samsoum
محسوب كيف كيف ههه
اما انا كلوبيست شوية