الأربعاء، جانفي 02، 2008

الصفاقسية سنة ولا شيعة؟؟؟


بعد الفضايخ متاع نهار الاحد و العار اللي شفناه في ستاد صفاقس؛ قعدنا نستناو في سي الزاحف باش ايجي او يتكلم و انا و الله قلت راهو برد توة او اتو ايجي ايريض اللعب او يطلب السماح من الحكم اللي طيحلو قدرو قدام الناس الكل؛ آخي السيد ما كانش خير من الكاتب العام متاعو اللي جاء في الاحد الرياضي و قال احنا ما خرجناش او الحكم هو اللي وقف المقابلة او بعد طلع يكذب عيان بيان؛ شيء يعمل العار؛ كان المسؤول هكة مالا اللاعبين او الجمهور كيفاش؟؟؟ سي الزاحف هذا كي تسمعو يحكي ايجي في بالك او كأنك تسمع في رئيس طايفة من الطوايف في العراق؛ كلام متاع حرب او مؤامرة و عقدة متاع تفوق اللي نعرفوها عند ياسر صفاقسية و اللي شخصيا مانيش عارف منين جاية؟؟؟ الراجل رد تونس بكلها جاية ضد الصفاقسية او متآمرين عليهم؛ هاك الجمعية العزيزة ياسر عاد؛ و الله أكثر جماهير جوفنتس او برشلونة تخلفا او عنصرية ما يحكوش هكة؛ او احنا رئيس نادي يحكي تقولش عليه مراهق في عركة متاع حومة؛ توة بالله جوارات صفاقس بركة اللي اتضربو ضربات خايبة؛ و لا امير الحاج مسعود - ربي يشفيه - خير من فان باستن او قوليت اللي خسرهم العالم موش فرقهم بركة؛ قالك ياسيدي ثمة عملية ابادة كروية موش عرقية المرة هذي ضد النادي الصفاقسي ؛ توة هذي حكاية يحكيها رئيس نادي في التلفزة؛ قالك ياسيدي موش لازم نلعبو احنا او نخليوهالكم واسعة او عريضة؛ و الله شيء ايضحك؛ موش غريب انو لينا 30 عام او احنا متبلغمين بالبهايم اللي نشوفو فيهم في الفريق الوطني؛ لانو مسؤولين كيما هاذم موش ممكن باش يعملو جوارات محترفة او كورة عندها قيمة؛ ناقص كان ايقولنا انحبو نعملو دولة وحدنا او بطولة وحدنا او ما نحبوش نلعبو مع لقعار لوخرين.
خلي عاد من الصخافي الخشين ياسر متاع الجريدة بودورو الصريح؛ اللي ناقص كان ايقول الله أكبر او ايخرج علينا سيفو؛ قال شنوة احنا حاسدينهم على خاطرهم خدامة او ناجحين في قرايتهم؛ انا انقول للصحافي هذا انو كان جاء الحكم من سوسة راهو ماحلش فمو او ما قالش اللي قالو؛ او اذا كان جاء شكري الواعر اللي ماخلى ماعمل في جوارات تونس هو اللي ضرب الملاعبي متاع صفاقس راهو الزاحف بلع السكينة بدمها اوماقال كلمةعلى خاطر شكري اوراه رجال؛ اما هذا حكم من وذرف بول عليه او يستاهل كي ما يخترمشي اسيادو؛ او ماتقولوليش انت لهنا تحرض على الجهوية
خاطرالجهوية او عقدة التفوق موجودة عند برشة صفاقسية؛ هذي تونس شبر او نص او كل واحد هازز خشمو على الآخر؛ والله شيء ايفدد

هناك 27 تعليقًا:

SNAWSI يقول...

علاه هــكــّا يــا آدم؟ آش بــيــك واخـو مـوقــف مـن الصـفـاقسيــة؟ جـاوك كـان هوما " راسيست" و مـعـقّدين؟؟

غير معرف يقول...

Saharaclub, j'ai trouvé ton article trés anti Sfaxien
est ce la jalousie? est ce un patron Sfaxien t'a viré? est ce une belle fille Sfaxienne t'a laissé tombé? est ce tu ne t'es pas trouvé dans tes études avec les Sfaxiens? est ce que parece que tous les beaux quartiers sont 'colonisés'par les Sfaxiens - Oubli tes reancoeurs, jeune homme et travaille dur pour devenir comme un Sfaxien

Hamadi يقول...

الزاحف: j'espere que c'est une erreure de frappe et que ce n'est pas aussi bas que les propos de Zahaf envers Samir Hammami.

koukou يقول...

malgré tt je crois que les sfaxiens bénèficient d'une grande haine de la part de tte la tunisie pourquoi je ne sais pas
concernant Mr zahaf il s'est excusé hier à samir hammami à travers l'emmission bel makchouf
je trouve que il ya eu toujours une courant anti -sfaxiens partout dans la tunisie
aimons nous ce ne serai pas mieux???

AS... يقول...

bonne année 2008 adam
tu as parfaitement raison si un responsable parle comme ça que peut on attendre des joueurs et du publique ?
mais la chose qui m'a etoné vraiment quand il a dit que l'un des joueur allait porter un batton en fer (7dida) pour frapper les joueurs de l'equipe advers .fdhi7a rabbi ykamil hal saison ala khir ma kanich bach twalli ba3kouba contre karbala

samitriani يقول...

Franchement si les sfaxiens jabouh el sa9ihom. C eux qui sont racistes et se sentent supérieur. C'est eux qui essaient a tout prix de garder un monopole. C'est eux qui sont retirés. Pour tout ce qui est accent etc. c'est normal on se moque aussi du sahel et du sud sans haine !!
Bech irodouha anti sémitisme

Hmayed يقول...

d'ahbitude je te connais plus objectif, dans tes articles , mais apparament parceque cette arbitre est du sud Tunisien tu t'enflamme Adam, je te rapelle que sfax afit parti belle et bien du Sud, si tu oubli bien, ca , et ce qui m'agace le plus, c'est le deroulenemnt dele discussion, en parle trop de regionalisme , et c'est grave surtout entre gens civilisés.la facon dont ta fait ton artilce est trop rationnel en plus pas de sang froid, mais bon
tu apelle le MOnsieur par الزاحف , j'ai pas aimée ca de toi , d'un autre , puff mais de toi ! dommage !on cause pas foot ya Adam , je t'ai dit quesiton foot, ils n'ons pas bien jouer et meritent pas de de gagner, si l'artbitre est correct , je le pense pas trop.si les sfaxiens sont meilleurs ,tu connais aussibien la réponse que moi c'estOUI , et ca tu peux pas le contester, sion les aime pas ca aussi oui, on les envie , et c'est une mauvaise realité . dommage qu'on 2008 non est toujours la , on dirais en 1950.
,

Sifax يقول...

Il faut visiter sfax pour constater les pauvres infrastructure routiéres, le chomage au sein des nouveaux diplomé qui ne peuvent partir ailleur, la pollution, les maladies cancereuses qui se propagent comme une peste,l'abscence des grandes entreprises nationales, la pauvereté de l'infrastructure culturelle,l'application des lois avec 02 poids 02 mesures entre les régions, l'inaccésiblité des grandes postes gouvermentales,etc. Je vous conseille de lire attentivement cet article :http://www.tunisieaffaire.com/index.php?option=com_content&task=view&id=1614&Itemid=111.....

غير معرف يقول...

Regardez, si vous allez continuer à mal traiter les Sfaxiens qui subventionnent la Tunisie à 30% alors que nous sommes que 10% de la population nous allons peut etre se poser la question que Malte ou koweit ne sont pas plus grand en popolation ou en superficie que Sfax any way

Werewolf يقول...

المتدخلين الكل يا مع آدم يا مع الصفاقسية و النتيجة وحدة...المزيد من الجهويات و المزيد من شحن النفوس...أنا ديمة نتسائل شنوة يجرى لو كان جينا نفرقوا بين كل ولاية في بلايك الكراهب كيما البلدان الأخرى؟! الحاصل ربي يهدي

Normalland يقول...

و الله العديد من التعليقات مؤسفة جدا ...ادم من خلال هذه التدوينة لام على الزحاف و اشباهه و نضرتهم العنصرية و الاقصائية ...فما راعني الا و العديد من أهل الصفاقس ينقضوا عليه و يعممول ما قالوا ادم على كل الصفاقسية.

بالله نحيو عليكم هالمركبات الخطيرة ...الكلنا توانسة و حتى حد ما قال الي أهل صفاقس بيهم و عليهم ...الامر و ما فيه أن البعض تصرّف بطريقة مشينة (كالزحاف و نائبه) و من حق ..بل من واجب كل تونسي الأنذار و التوعية.

الزحّاف مش معصوم من الخطئ و ما فمّا حتى جهة خير من جهة. يهديكم بدون مركبات تكبّر أو مركبات نقص ... وربي يهدينا الكل.

adam يقول...

و الله كتبت ردود مفصلة لكل واحد لكن تفسخت الكل كي جيت باش نقوم بعملية النشر او خوكم في الوبلينات؛ دونك باش انرجع توة بسرعة
سنواسي
انا قلت ثمة ياسر صفاقسية معناها موش الصفاقسية الكل
الى حميد؛ اتحداك ان تسال 500.000 صفاقسي؛ بربي منين انت؛ كان ايجاوبك انا من الجنوب
الى كل الصفاقسية اللي علقوا؛ شكرا لتأكيدكم لكلامي
نورمال لاند؛ بربي اعملونا بوست على سي قطاطا هذا
وارولف؛ طبيعي مادام ثمة مشكل مادام ثمة مع او ضد؛ اما شنوة تحبنا نعملو نحطو راسنا في التراب او نسكتوا لو نقولوا لا ماعندناش المشكل هذا؟؟

Hamadi يقول...

أتحداك أن تسأل 10 ملايين تونسي و أن يجيبك 1000 فقط بإنتماء لغير مدينته أو قريته لا لويلايته لكن هذا ليس عيبا ولا جريمة و لا يتناقض بتاتا مع الولاء التام لتونس كوطن للجميع.
إن بعض الردود و التعاليق تبعث على االحزن : اللي ينجم ينحي خشموا من وجهو يقلي. اللي يحكي على الكويت و مالطا يمشي يشوف دجاجة يغمها.

Hmayed يقول...

1er pt ADAM c'est asp 500 000 plutot dans les 1Milion si on ajoute les 300 000 de tunis,
juste petit rapelle, Sfax est appeler CApital du sud, et tu pense que les sfaxiens te diront, quoi ? sehel ? ou bien quoi ?dommage que le discusison arrive jusque cela

Hmayed يقول...

ti meme l'e titre de ton article , de la pur provocation :)

غير معرف يقول...
أزال أحد مشرفي المدونة هذا التعليق.
غير معرف يقول...

Pour Anonyme
Je suis sur que tu as été baisé par des Sfaxiens syedik. C'est pour cela que tu les détestes? c'est notre faute de t'avoir éduqué, et ceci pour nous insulté - Nous aurions dus te laisser ignorant commne ça tu sauraits comment traiter seyedek les Sfaxiens

al_moudir يقول...

صحيح أنو برشا صفاقسية بالخصوص اللي ساكنين في صفاقس منغلقين شويا و هذا راجع لكون مدينة صفاقس مهملة و عازلينها على باقي البلاد و في هذا مايتحملش سكانها مسؤولية كونهمم عندهم شويا عنصرية
يلزمكم تعيشوا في صفاقس باش تفهمو علاش سكان صفاقس هكا, بلاد كلها معامل و سرطان الرواري ضارب أطنابو, ماثما حتى وسيلة تفرهيد, كان الخدمة و النوم. هاك علاش الصفاقسية يحسو بالضلم و القهر. و من جهة أخرى مدينة صفاقس تساهم في اقتصاد البلاد بنسبة كبيرة ياسر.

adam يقول...

@hmayed
hamadi
صحيح هذا ليس من المفروض ان يكون الانتماء الى جهة ينقص من الشعور بالوطنية؛ ولا أعتقد ان شعور الصفاقسية بالوطنية يختلف عن غيرهم من التونسيين؛ و لكن هذا لا يمنع الاقرار بوجود عقدة تفوق عند بعضهم و بعض الردود هنا أحسن دليل على ذلك؛ اما لو سألت قابسي او جربي اوجريدي فانه سيخبرك عن مدينته و لكنه قد يقول لك ايضا اني من الجنوب؛ لكن الصفاقسي سيخبرك انه صفاقسي و انا شخصيا لم اقابل صفاقسي يعتبر نفسه من الجنوب؛ اما حكاية عاصمة الجنوب فهي شعار لا معنى له.
حميد صديقي لا ادري لماذا تتأسف؛ فالمشكل قائم فعلا و لا داعي لوضع الرأس في التراب؛ من الافضل ان نناقش مشاكلنا على ان نتجاهلها بدعوى انها غير لائقة
و صحيح ان العنوان فيه استفزاز و المقصود منه السخرية من هذه المواقف
@ مجهول
ياسيدي عيب عليك الصفاقسية راهو فيهم احبابنا او اصحابنا او عيب انوجهولهم كلام خايب كيما هكاكة؛ حتى البلادة عندها حدود

Werewolf يقول...

يا آدم يهديك افهمني...الظاهرة موجودة و حتى حد ما ينجم ينكرها لكنها ما خذة برشة أشكال و حتى في نفس الولاية تلقى المعتمديات حاسين بالظلم و يكرهوا مركز الولاية...انتي مثلا هل كنت تعمل تدوينة كاملة لو كان جا الحكم مالشمال؟...صدقني متفهمك لكن انجم زادة نتفهم موقف اللي علقوا بغض النظر على أنّو البعض منهم ولّى يخلوض

MetallicNaddou يقول...

wallahi 4a7aktni ya adam, rabbi yehdik !D

ech bech n9ollek, s7i7 barcha sfe9sya 3andhom des qualités behya yesser, ama zeda barcha minhom 3andhom 5cham zeyed 3an 7addou, ama ech t7eb ta3mel, kif ma 9olt, il jihawya 3amla be3meyilha fi chber w nos, w ken inti feded, ana tjeouezt mar7alt il fadda il mar7alt illamoubelet, 5ater zeyed taksir erras, que ce soient des sfaxiens ou des tunisois ou des djerbiens, s'ils jugent encore les gens selon qu'ils habitent à 30 ou à 300 km, mouch lezem nedhchou kif na7na mit5alfin. rabbi yechfi ettouensa ilkol mil 7keyet il fergha

sfaxien qui n'a pas de complexe de superiorité يقول...

moi je trouve que tu as mille fois raison dans tout ce que tu viens de dire,je comprends pas comment des gens peuvent defendre quelqu'un qui s'est dirigé vers un arbitre en lui humiliant devant tout le monde alors que sa seule faute etait de ne pas avoir donné un carton jaune pour seifallah el ma7hjoubi ,c'est tout mais la vrai raison c'est que zahaf ,le chef supreme d'une race pure qui est plus intelligente et bosseuse et riche que les autre a le droit de s'attaquer a une personne venant d'un coin isolé de la tunisie,et comme beaucoup de gens considerent
qu'on peut dire au gens yé emmassa5 devant tout le monde et en toute impunité je n'ai pas pu me retenir de dire "maritch ma a5maj menkom yé emmass5in"

Sfaxien يقول...

Est-ce qu'il y a un complot contre les sfaxiens, je ne sais pas. Mais si on regarde le poids relatif de certaines régions dans le pays il y a cinquante ans et leurs poids aujourd'hui, on ne peut que constater qu'un déséquilibre flagrant. Alors que certains ont eu droit aux zones touristiques et à l'embellissement de la ville, d'autres ont hérités des industries polluantes et d'une infrastructure sous dimensionnées. Sfax n'est pas la seule lésée mais si dans le cas de Sfax il y a beaucoup de ressentiment c'est surtout parce que beaucoup des entrepreneurs sfaxiens (et là personne ne peut nier la prépondèrance de l'entreprenariat sfaxien dans l'économie du pays)sont aujourd'hui obligés de s'installer à Tunis pour continuer travailler, d'où un apprauvissement de leur région d'origine.

De là à invoquer le régionalisme dans le foot, c'était prévisible vu que c'est le seul domaine où on arrive à s'exprimer à peu près librement. Un défouloir en quelque sorte.

ABOU RAMY ELMARZOUGUI يقول...

ماهو يا آدم خوي، الشئ من مأتاه لا يستغرب و انصحك ان لا تكترث ابدا بالصفاقصيه فهم عنصريين في الدم ،وغير الصفاقصي عندهم مايسوى شئ ارجوك ن لاتكتب عنهم ابدا ابدا ؛؛؛؛لك مني الف تحيه ،محمد؛

Chiheb 12 يقول...

أخي آدم هاني طقّيتك ومبروك العرس وإن شاء الّله بالرّفاه والبنين

boulbaba يقول...

اسمي بلبابة اسم ما تلقاه كان في الجنوب اما صفاقسي امسكر من الجماعة الي تحكي اعليهم.
احنا راسيست على خاطر ندفعو او ما ناخدوش
احنا راسيست على خاطرنا نخدمو في البريفي مش في اعسل الايتاتيك مع بعض الاستثنائات الأضطرارية
احنا راسيست على خاطر عندنا القاز او مازلنا انعبيو دبابز القاز
احنا راسيست على خاطر نعملولكم الكيسات او احنا نمشيو على الحصحاص

غير معرف يقول...

from SFAXI HORR
De retour à ce sujet, wellahi nous ne sentons meme pas twansa, alors pour dire du sud cest vraiment loin
nous sommes sfaxia puis sfaxia puis sfaxia puis muslmine, puis sfaxia puis mediterranéen, puis nord africain puis tunisien....wellahi nous nous sentons plus proche des libanais, des espeagnols, de italiens que d ela pluspart des autres rgions de votre pays

Essfaxi sid el kol