عبدو تجاوز الحدود: ارجو تدخل المدونين لأن الأمر أصبح لا يطاق

لا يتعلق الامر بصد حرية التعبير او رفض الراي الآخر؛ فجميعنا متفق على انه من حق كل منا ان يكتب ما يريد في مدونته؛ و ان لم يعجبك ما يكتب فانه بامكانك ان تناقشه او بكل بساطة ان لا تقرأ؛ ولكن عندما تتحول حرية التعبير الى سب و شتم و كلام لا أخلاقي على شكل ردود في مدونات الغير كما يفعل الآن سي عبدو؛ فان القضية مختلفة هنا ولا علاقة لها بحرية التعبير؛ عادة ما نقف عاجزين عن رد الفعل لأن هذه التعاليق "الحقيرة" عادة ما تحمل توقيع مجهول؛ وهو جعل الكثير من المدونين لا يسمح بنشر التعاليق مباشرة الا بعد الموافقة؛ لكن عندما يكون الشخص المسيء شخصا "معروفا" صاحب مدونة؛ فان الامر في اعتقادي يختلف قليلا؛ ان السكوت هنا يعني الموافقة او عدم الاكتراث وهو ما سيجعل سي عبدو و امثاله يتشجعون و يتكاثرون كالجراد في المدونات التونسية؛ هل ستصبح المدونات التونسية مسرحا للسب و الشتم دون رادع؟؟؟ نحن لا نتحدث هنا عن اختلاف في الراي او اتهام بالغباء او عدم المعرفة او حتى العنصرية؛ انا أتحدث هنا عن قذف و سب مجاني لا معنى له الا ان الشخص القائم بهذا الفعل مستهتر و لايحترم نفسه؛ معتقدا انه يمكنه ان يقول ما يشاء لأن احدا لن يردعه؛ القضية هنا مبدأية و في صميم الدفاع عن حرية التعبير؛ وحماية و احتراما لكل من يريد ان يعبر عن رأيه دون الوقوع تحت وابل من الشتائم؛ و انتم تعلمون ان الأمر هنا ليس شخصيا فسي عبدو هذا يوزع علينا جميعا و بدون تفريق ما لذ و طاب من بذيء الكلام؛ لذا اقترح ان يتم في مرحلة اولى التنبيه على سي عبدو هذاوالتهديد بشطبه من المدونات التونسية اذا لم يكف عن ما يقوم به؛ و في حالة تماديه ان يتم شطبه نهائيا من قائمة المدونات التونسية
ارجو من كل من يوافق على هذا الكلام ان يقوم بالتصويت للمقال حتى يكون ذلك مؤشرا لآراكم في الموضوع

عبدو: المدوّن بوفرنك بامتياز

يا سي عبدو متاع وذني شبيك خويا لاباس ماهو نهار الكل او انت تتبورب على العباد بنصك اللوطاني؛ آخي تسخايلو فخرة الكلام الزايد؛ الناس الكل تعرفوا او تنجم تقولوا راهوا؛ نهار الكل او انت تحكي كان بالزاي او الكلام المرزي؛ شبيك خويا معقد او راكبين عليك اولاد الحومة تجي تفرغ في العقد متاعك علينا؛ برا خويا شوف طبيب نفساني قولو راني متأزم او مانيش لا قي روحي في الدنيا وليت تخبيت وراء بسودو باش نسب العباد او نقول لكلام الخايب اللي يقولولي فيه اندادي في الشارع لكن انا نخاف باش نرد عليهم خاطرني خواف او نحس في روحي مانيش راجل؛ او كان ما نفعكشي الطبيب او الرجولية لقيتها مازالت بعيدة عليك خويا برا اعمل عملية او بدل الجنس متاعك باش تولي مرا على قاعدة او تتنحلك هل العقدة؛ اما خويا احنا رانا ماناش سبيطار منوبة باش تسيب علينا الخمج متاعك؛ او خويا كانك مصر ياسر على القباحة او قلة التربية؛ على خاطر يمكن لحكاية تطلع وراثية متيصلة في الراس متاعكم؛ او هوني تولي الله غالب عليك ماهياشي المشكلة متاعك؛ انت تخلقت او عشت في جو ناتن او خامج جيت هكاكا؛ برا خويا سيب الخمج متاعك بعيد او ماعادش تمسخلي المدونة متاعي بالقذارة متاعك؛ هيا شر ولا كس ؛ مانيش عارف اناهي الكلمة اللي تصلح بيك على خاطر الراتسة هاذي جديدة او مازلنا ما طلعلانهاش كلمة؛ تو بالكشي لوخيان يعطونا اقتراحات
هيا انست بنصك اللوطاني؛ ملا مصايب ياربي

اللي يعرف ايقولي

بالله يا جماعة خوكم حاير مانيش عارف شنهي المشكلة؛ ليا توة تقريبا 4 ولا 5 ايام الصفحة متاع تن بلوق ما تتطلعشي؛ كل شي يمشي نورمال عندي كان الصفحة هاذي ما تحبش تتحل؛ شنهي المشكلة او كيفاش حلها اللي يعرف ينورني؛ مع العلم انو ما تطلعليش صفحة 404؛ او ثبت اللي هي تمشي عند الناس الكل؛ كان عندي؟؟ زعمة حسين عندو بونتو بيا
:D

كيفاش تكون راجل

الرجولية؛ فلان راجل ياسر؛ او فلان ماهوشي راجل؛ لا او يقولوا زادا فلانة رجالة ما ثماش كيفها؛ او في العلاقات بين الراجل او الرجالة-مؤنث- باش تكون راجل لازمك تكون صيد كلمتك ما ترجعشي لتالي؛ لازم المرا ما تسمع منك كان كلمة اعمل؛ هات؛ امشي…الخ؛ معناها تسمع الاوامر او تسكر فمها؛ مالا باش راجل انت؛ هي الرجولية لعبة؛ لازمك تكون اشنب شناباتك واقفة؛ كان معندكش ركب شلاغم اصطناعية؛ خير ملي الرجولية متاعك تكون ناقصة؛ من علامات الرجولية ياسيدي انك لازمك تكون مغيار على مرتك؛ مالا كيفاش؛ لازمك ما تخلي حد يكلمها ولا يجي على حالها؛ اما كان كلمت هي واحد عاد؛ هوني عاد سامحني فيك؛ ماكشي راجل؛ اكبس تلقى ما تحل؛ مالازمها تكلم حتى راجل غيرك؛ لازمها تعرف اللي ثمة راجل واحد في الدنيا؛ هو لشنب بو…؛ اللي هو انت طبعا؛ حوايجها لازم يكونوا مخيطين عند الخياطة؛ موش نساء توة تلقاها لابسة مريول ولا ملابس داخلية فيهم اسم راجل آخر او زيد يهود ما همشي حتى مسلمين كيما لاكوست او بوقار او غيرهم ياسر؛ يا سيدي كانها عل الاسامي خوذ ستيلو او اكتبلها اسمك عل المريول او زيد صحح فيه باش يولي سينيه؛ ماهم يموتوا عل حوايج السينيه؛ القضية لازم تقضيها انت موش لمرا ؛على خاطر الخضارة كلهم رجال او هذا ما يليقش بيك؛ تصور مرتك توقف تحكي او تضحك مع الخضار او تقولو اعطيني كيلو فقوس ولا بانان؛ ملا حشمة؛ والله يولي حلال ذبحها؛ انا مثلا حتى كي نمشي للخضار الفقوس نقصو تروف قبل ما نروح بيه؛ او البنان هزو عصير؛ ملا تلعب انت؛ انا عندي صاحبي طلب مرتو في التلفون في الليل ردوا عليه قالولو مخاطبكم خارج الخدمة؛ روح قتلها؛ مالا شنهي ؛ ما عندناش نساء تخدم في اليل. هيا برجولية توة لازمني نمشي قناة اقرأ بالسوري قريب تحل.
ما ذابي كان واحدة من الاوخيات المدونات يعملونا النسخة النسائية لهل الحكاية باش يوعيو النساء كيفاش تكون بنت عايلة.
مشكورين مسبقا

كتبي

استجابة لدعوة الأخت ماهيفا-مشكورة- و سؤالها عن المطالعات المهمة في حياتي أكتب هذه التدوينة
مطالعات الطفولة:
كان تكويني في البداية تكوينا دينيا بحتا نظرا لتأثري الواضح بشخصية ابي المتدين؛ و الى هذه المطالعات ارجع تكويني في لغة الضاد.
أول كتاب اثر فيّ كثيرا هو كتاب رجال حول الرسول قراته في الرابعة ابتدائي.
قرأت الكثير من تفاسير القرآن التي لم أفهم منها الكثير(الصابوني؛ ابن كثير..) لكن كان الأمر كأنه تحدي بالنسبة لي.
قصص الأنبياء و سيرة ابن هشام: كنت استمتع بالقراءة و كأني بصدد قراءة رويات.

مطالعات المراهقة:
كانت هوايتي المفضلة و بدون منازع هي قراءة الألغاز البوليسية المصرية بأنواعها من المغامرين الخمسة بقيادة تختخ الى روايات رجل المستحيل و ملف المستقبل.
قرأت أيضا بعض روايات إحسان عبد القدوس كان أفضلها بالنسبة لي هي ثقوب في الثوب الأسود- أتمنى أن يكون العنوان صحيحا- ثم انقطعت من بعدها علاقتي بالأدب العربي ماعدا ما كان يلزم أن أقرأه في المعهد.
مطالعات ما بعد الباكالوريا:
لم أعد اقرأ تقريبا إلا بالألمانية نظرا لتخصصي في هذه المادة هذا إضافة الى إعجابي الشديد بالحضارة الألمانية.
Sansibar oder der letzte Grund لألفراد اندرش؛ كتاب قٍرأته مائة مرة و أقرأه دائما.
مسرحيات برشت
في الواقع أنا لا أقرأ الكثير من الأدب و صرت في المدة الأخيرة لا أقرأ تقريبا إلا كتب اللسانيات و علوم اللغة.
أحب كثيرا قراءة مجلة ناتيونال جيوقرافيك ولو أني لم اطلع عليها منذ سنوات نظرا لانتهاء اشتراكي في النسخة الألمانية و عدم توفرها في المكتبات التونسية.
كنت شغوفا بالاركيولوجيا الإسلامية- ومازلت في الواقع شغوفا بكل ماهو تاريخ- و لكن الوقت وعدم توفر الظروف المناسبة من مكتبات و جامعات قريبة..الخ جعلتني أتخلى تقريبا عن قراءة التاريخ.
قراءات أثرت فيّ:
قراءات في التاريخ النازي الألماني.
تاريخ الأدب الألماني.
كتب قرأتها و لم افهم منها شيئا:
فنمولوجيا الروح لهيقل- قرأته بالعربية و عمري 18 سنة. اعدت قراءته في شكل نصوص في الجامعة و لكن بالألمانية و كان الأمر أسهل بكثير.
كانط: قررت أن لا أقرا إلا الدراسات التي تتحدث عنه؛ و لكني لن اقرأ المصادر الأصلية ؛- نحس روحي مستك ياسر كي نولي نقرا
:D.
كاتب لم اقرأ له بعد:
نيتشه؛ هذا العبقري؛ ستخبرونني كيف عرفت انه عبقري و أنت لم تقرأ له بعد؟؟ انا اقصد أني لم اقرأ كتبه بعد و لكني اطلعت على الكثير من النصوص جعلتني متأكد من إني سأقرأ له يوما و ربما أقوم بما هو أكثر من مجرد القراءة.
كتاب قرأته و لم استطع ان أكمله:
كذب جورج بوش لدافيد كورن.

كتاب أنا بصدد قراءته الآن:
موقف العلماء المسلمين من الشيعة و الثورة الإسلامية للدكتور عز الدين إبراهيم.
كتب سأشتريها في الشهر المقبل:

Das Gefängnis der Freiheit سجن الحرية لمشاييل انده
Die Geschichte der Sprachphilosophie von der Antike bis zur Gegenwart. (T. 1). (Von der Antike bis Leibniz) . Coseriu
Der Antichrist. Nitzsche
ذاكرة الجسد –أحلام مستغانمي

و كما فهمت فانه يجب ان ادعو انا بدوري بعض المدونين لمشاركتنا مطالعاتهم و أسمي هنا:
طارق الكحلاوي؛ عماد؛ الناقد و ناديا.

هدية علي لسود لأحمد فؤاد نجم

هدية شاعر دوز علي لسود الى أحمد فؤاد نجم

رابط متصل : هدية أحمد فؤاد نجم لشاعر تونس علي لسود

نحب نحرق لطاليا

نحب نحرق لطاليا؛ نحب نحرق الميزيريا او البغض؛ نحب نحرق روحي ؛ نحب نحرق الماضي او الحاضر؛ فديت ... رانا هردنا؛ ما عادش فيها؛ نحب نعيش غبّار خير ملي نعيش طول عمري نشم في الغبرة متاع الكراهب متاع "اسيادي " في الكياس اللي او مانيش عارف علاش مافيشي تروتوار للمزرمين اللي كيفي؛ نخاف نمشي في الكياس يعفسني سيدي؛ نحب نحرق نعيش مفيوزي او غبار؛ نحب نحرق الميتريز او الماجستير او الدكتوراه اللي ما يجبوش شمة في ميلانو؛ بلاد اللي فيها كل شي موجود؛ حتى لهني كل شيء موجود؛ كان انا او امثالي ماناش موجودين؛ ولا موجودين اما ما يحب حد يشوفنا؛ محروقين من نهار اللي تولدنا؛ بلادنا حرقتنا... آه على الحرقة... نحب نعيش خليقة او مفيوزي او ندخل الفلوس او نعيش كيما "الاسياد"؛؛ في بلاد المافيا تنجم تعيش مفيوزي او تحرق العالم؛ اما لهني في بلادنا ؛ ماهيشي بلاد المافيا؛ هذاكا علاش ما تنجمشي تحرق لهني؛ ما تنجم تحرق كان روحك لهني؛ عاد انت محروق محروق على الاقل عيش حارق خير ملي تعيش محروق؛ حارق في طاليا من غير اوراق؛ خير ملي تعيش خايف من الاوراق؛ ما ثماش تونسي ما يخافش من الاوراق؛ كان قالولك هات اوراقك؛ هات بطاقة تعريف؛ اعرف روحك راك باش تتحرق او مشيت تزمر؛ ما خيبهم الاوراق كي تولي ماكش حارق؛ او محلاهم الاوراق كي تولي حارق؛ اما ما اخيبشي من كي تولي انت بيدك محروق؛ هذاكا علاش ياولدي احرق خير ملي يحرقوك؛ طاليا محلاش لا منها راهو؛ او هذاكا علاش لعباد اللي ماهاش محروقة يا اما راهي حارقة ولا مطلينة في بلادنا يحكموا باحكامهم

الى عز الحبايب

لو تعلمين كم احبك؛ لو تعلمين حياتي كم انا عدم بدونك؛ لو تعلمين...من انا بدونك؛ لو تعلمين من اكون عندما اكون معك؛ عندما اكون لك؛ لو علمت لما فكرتي يوما في الله؛ لاني انا الاهك؛ انا روحك التي لا تريدين ان تستمعي اليها خشية او خجلا؛ لا ادري...لو تعلمين كم اعشقك عيناك الساحرتين؛ هما الجنة التي وعد بها الله؛ و لكني أعشق الكفر؛ أعشق نارك؛ نار جهنم التي اعيش فيهااحلى آلامي؛ لذا اعذري حماقاتي... اعذري كفري ... فانا عاشق للكفر... مؤمن بك

حرية بنت المدّب

عمي المولدي الله يرحمو او ينعمو جاتو بنية نهار الاستقلال متاع بلادنا العزيزة آخي سمّاها حرية؛ فرحتو بالبنية او زيد فرحتو بالاستقلال خلات انو ما ثمة حتى اسم للهل بنية احسن من اسم حرية؛ آش خير من الحرية؛ هيا فرحو بيها الدار الكل او جات الناس تهني من كل بلاصة؛ مبروك الحرية او تتربى في عزك يا سي المولدي؛ عمكم المولدي هذا كان مدب يقري في القرآن او تعب او شقى مسكين باش ربى اولادو او قراهم او وصلهم؛ اختنا حرية هذي جات مزيانة ياسر او يضرب بيها المثل في الزين؛ ما ثماش اختها في البلاد؛ كبرت البنية اونجحت في قرايتها او ولات دكتورة متاع عظام؛ معناها بالعربي مختصة في ضحايا التقديق او عفسان الكرايم او هات من هاك اللاوي؛ هيا توة البنية ولات مرا او وجاء وقت ولى لازمها راجل يسترها او يحميها؛ تقدملها الطبيب او المحامي او المهندس اما شيء ؛ عمك المولدي ما رضاش؛ قال انا عندي بنية واحدة او زيد زينها ما جابلها كان الحساد؛ لازم نعطيها لراجل صيد يحميها او يعرف قيمتها؛ موش راجل من جماعة الستيلو و الورقة اللي ما فالحين كان في العياط او الزياط في الشارع قال شنهي ثقفود او موش عاجبهم الوضع الراهن؛ اما هو كان موافقهم في حاجة بركة اللي الوضع راهن ياسر او هذاكا توة عصر صيودة موش جماعة البشكوطو هاذم؛ او اختكم حرية مسكينة رغم الثقافة او الزين متاعها مسكينة ما تنجمشي تحل فمها قدام سي المدب؛ عيب ما يجيش؛ البابا هو الكل في الكل او قيما يقولو ما رضاء الله الا برضاء البابا؛ حرية هذي المسكينة متبلغمة او ما تنجم تعارض كلام بوها كان في راسها ولا كي تولي مع امها في الكوجينة؛ الحديث متاع الكوجينة يقعد في الكوجينة حدو غادي؛ او امها مسكينة هذاكا حدها تصبر فيها او تقوللها هذا المكتوب بنيتي؛ كان كاتبتلك حاجة تو تجيك؛ آش باش تعمل؟ باش تجي ضد بوك؟؟ اصبر او هذاكا هو؛ او هاك حرية تغلي مسكينة من داخل اما فمها ديما مسكر تستنى في فرج ربي؛ هيا كبرت الطفلة او ولات باش تبور او سي المدب باقي شاد الصحيح؛ نقصت الخطاب لن ولا ما عاد جاي حد او حرية باش تراصيلها من غير راجل المسكينة؛ هاك الزين او العين كلو باش يمشي خسارة؛ هيا بعد مدة ثمة شايب عريف في الجيش العزوزة متاعو ماتت؛ قال شفولي مرا تخدمني؛ احب ايجدد شبابو؛ هيا جاو يخطبو في حرية؛ سي المدب قال ابدا؛ نعطي حرية او ماندراك لشايب؟؟ هيا لزتو امها او قالتلو ياولدي حرية راهي بارت او كبرت ماعاد باش يخطبها حد باهي؛ يا حسرة على حرية متاع قبل؛ هيا بعد هزان او نفضان ولا او قبل؛ او اختكم حرية مسكينة ديما مسكرة فمها او متبّصة راسها ما تقولش لا؛ هيا هزوها للشايب لا زفة لا زمارة؛ العريف هذا كي شاف اللي المرا مزيانة ياسر؛ ولا او سكّر عليها الدار لا خرجة لا دخلة؛ حتى ضوء الشمس ما تشوفوش؛ ايجيها من الليل لليل يقضي حاجتو منها او يرقد؛ او هي المسكينة ديما مسكرة فمها او راضية؛ هيا مسكينة ماهي تعدي النهار الكل وحدها او ما تكلم في حد قالت هيا نجرب نغني شوية على الاقل نعمل حاجة؛ هيا ولات حرية تغني او اكتشفت وقتها لاول مرة اللي هي عندها صوت هايل ياسر؛ صوت حلو عذب ما ثماش كيفو؛ عمرها كامل مسكينة ساكنة ماجاش في بالها اللي صوتها روعة هكة؛ هيا عجتها لحكاية او ولات النهار الكل تغني بين هاك الاربعة حيوط حتى لين ولا صوتها عامل حالة في الجيران او الناس الكل تحكي بصوت حرية الملائكي اللي ما ثماش كيفو؛ في لول ولات النساء تجيها للدار باش يسمعوها؛ او بعد ولاو ايجيبو معاهم اولادهم او ولات الدار تعبي او تفرغ بالنساء ولي تجي تخلي حويجة؛ شوية فلوس ترف قماش؛ هاك الشايب لقاها لحكاية فيها رزق او الناس الكل لازتو تحب تدخل ماعادش منجم يقول لا؛ او اختكم حرية خذات ثيقة في روحها او ولات تحكم باحكامها في الدار حتى ولات الدار صغيرة عليها او على جمهورها ولات خرجت البرا او بدات تغني في المسرح او قدام جمهور كبير؛ الشايب ما عجباتوش لحكاية حب ايرجعها لاربعة حيوط متاع قبل؛ اما وينك توة؛ البيعة تبدلت؛ توة حرية صوتها واصل لكل بلاصة وجمهورها ماعادش اينجم بلا بيها؛ هيا طلقت هاك الراجل او خذات فنان كيفها وقعد صوتها مالي لبلاد؛ او هذاكا علاش ايقولو توة صوت الحرية محلاش لا منو.