الاثنين، مارس 26، 2007

حوار بريء جدا





دار هذا الحوار بيني و بين أمل بنت الجيران و عمرها 5 سنوات

انا- ايجا بنتي هات بوسة؛ محلاها محلاها هل البنوتة؛ او محلاها هل المنقالة؛ آش كون شراهالك؟
أمل- بابا
انا- تراه انشوف؛ اوه هايلة هذي؛ تي هاهي مازالت بالوقت القديم؛ هات خلي انبدلها او نزيدها ساعة.
أمل تضحك- علاش تزيد فيها؛ آخي شبيها غالطة؟؟؟
انا- لابنتي ماهشي غالطة اما ماهم زادوا ساعة
أمل- علاش عمو زادو ساعة؟
انا قلت في خاطري والله هذا سؤال صعيب- باش يقتصدو في الضو بنتي.
امل تبدي علامات استغراب و كنت اعلم انها لم تفهم شيئا. او علاش عمو يقتصدوا في الضو؟
انا قلت برا عاد آش باش يسلكني توة- بنتي باش الدولة تربح برشة فلوس.
امل- صحة ليها؛ الدولة هذي عمو متاع شكون؟
انا و ليت توة آش يسلكني بركة- الدولة متاع الناس الكل بنتي. متاعنا الكل.
امل- معناه حتى انت عمو باش تربح فلوس.
انا- ايه بنتي انا او انتي او الناس الكل.
فرحت امل مسكينة و يظهرلي حست روحها ربحت برشة فلوس عاد قلت مانخليهاش هكاكة خرجت دينار او مديتهولها و قلتها- هيا بنتي هاهو بايك من الربح برة اشري بيه شكلاطة او شيّخ روحك عاد. او مشات فرحانة هذاكا حدها و أكيد راهي باش تقعد ترحم على الدولة حتى لن ينوب ربي او تولي تفهم.
عاشت تونس الجميلة حرة مستقلة

هناك 5 تعليقات:

SkyDancer يقول...

لووول
الدولة متع الناس الكل؟؟
حتى انا نحب بايي فالربح!

و سيب بنت ال ناس رايضه قالو هات بوسة

:D

Lili يقول...

J'adore ... Tu m'as comblé intellectuellemnt

Tu m'attristes ... Tu enfonces le couteau dans la plaie

J'attends... Je veux mon dinars moi aussi

Affrikkanovic يقول...

C'est très marrant...mais très triste en même temps...l'anecdote est à revivre...mais son contenu à faire changer...
En lisant ce post je me rerends compte que je suis actionnaire dans une société qui doit être gagnante pour tous ses bénéficiaires...
J'espère que personne ne verra ses actions prendre l'eau...
Pour une Tunisie libre...comme on l'aime...
Au plaisir de te lire...

adam يقول...

@skydancer صلي على النبي يا راجل:D
@lili شكرا لك و مرحبا بك في مدونتي
@affrikkanovic اشاطرك الاماني

أنيس يقول...

ما أحلى الطفولة و البرائة
(((-: