حوار بريء جدا

دار هذا الحوار بيني و بين أمل بنت الجيران و عمرها 5 سنوات

انا- ايجا بنتي هات بوسة؛ محلاها محلاها هل البنوتة؛ او محلاها هل المنقالة؛ آش كون شراهالك؟
أمل- بابا
انا- تراه انشوف؛ اوه هايلة هذي؛ تي هاهي مازالت بالوقت القديم؛ هات خلي انبدلها او نزيدها ساعة.
أمل تضحك- علاش تزيد فيها؛ آخي شبيها غالطة؟؟؟
انا- لابنتي ماهشي غالطة اما ماهم زادوا ساعة
أمل- علاش عمو زادو ساعة؟
انا قلت في خاطري والله هذا سؤال صعيب- باش يقتصدو في الضو بنتي.
امل تبدي علامات استغراب و كنت اعلم انها لم تفهم شيئا. او علاش عمو يقتصدوا في الضو؟
انا قلت برا عاد آش باش يسلكني توة- بنتي باش الدولة تربح برشة فلوس.
امل- صحة ليها؛ الدولة هذي عمو متاع شكون؟
انا و ليت توة آش يسلكني بركة- الدولة متاع الناس الكل بنتي. متاعنا الكل.
امل- معناه حتى انت عمو باش تربح فلوس.
انا- ايه بنتي انا او انتي او الناس الكل.
فرحت امل مسكينة و يظهرلي حست روحها ربحت برشة فلوس عاد قلت مانخليهاش هكاكة خرجت دينار او مديتهولها و قلتها- هيا بنتي هاهو بايك من الربح برة اشري بيه شكلاطة او شيّخ روحك عاد. او مشات فرحانة هذاكا حدها و أكيد راهي باش تقعد ترحم على الدولة حتى لن ينوب ربي او تولي تفهم.
عاشت تونس الجميلة حرة مستقلة

مبروك يا سي مصعب

يا سيدي خوكم مصعب كمل البارح القراية الكل او ولانا مصمم مواقع منحرف؛ ولو هو منحرف ليه ياسر ؛ من الخلط الفاسدة الله غالب؛ او بهل المناسبة نقولو ألف مبرووووووووووووك و انشالله بالرفاه و المواقع الناجحة؛ او ايعشلك مكتبة نت او تتربى في عزك انشالله؛ العقبة لي خويا انا اللي وحلت في هل الماستر نكتب فيها بالجملة ما حبتش تكمل
:D

سيبويه حي

حديث الساعة في معاهد ولاية قبلي هذه الأيام هو موضوع انشاء لاحد تلاميذ الاعدادية ؛ طلب منهم الاستاذ ان يتحدثوا عن مناسبة عائلية. هذا هو نص التلميذ ولا حول ولا قوة الا بالله

وأخير الحمد لله رب العالمين الرحمان الرحيم ملك يوم الدين لقد جاء عرس أختي انها تزوجت رجل و هي عندما تتصل به دائما تغني له غناية طويل و أسمر ياما و من هنا نستنتج ان هذا الرجل الذي طاحت به أختي طويل و أسمر؛ اما في اليوم الموعود فقد استضفنا جميع اقاربنا و جلسوا على كراسي قد قمنا بكراءها و بعد وقت لاهو قصير لاهو طويل من جلوسهم فوق الكراسي قامت فرقة بالريش(1) تدربك و تغني و نحن نرمي بالميش (2)و نريد الرقص لكننا نتحشم من عرب النبش (3)و لكن النساء لا يتحشمون فقد كانوا يلوون في لوي يشيب و الشيوخ التي قمنا بوضعها فوق السطح اوشكوا على السقوط من النظر في البيرات (4)اللات يتراقصن اما العجائز يخزرن و يتحلفون في رجالتهم و في يوم النجمة(5) في الفجر قمنا باعداد كسرة شب و آه ما احلاها انها حلوة ولذيذة انها بالسكر و هكذا انقسمت النساء الى من يقوم بطبخ الكسرة الحلوة و آخرون يزغرطون و يقولون ووروروروري وروروروري و منهن من تقوم بغناء شبيه بالنواحوا هكذا مضت 4 ايام هذا العرس و نحن في جو كبير و اكن فرحان كثيرا لان أختي التي تزوجت كانت منكدة كثيرا و دائما مكشبة مثل فيروز ولا فاتت من غادي و لكنني أخاف ان يطلقها زوجها و ترجع لي البيت اي ترجع حليمة لعادتها القديمة فادعوا لي بان تبقى عند زوجها.
والسلام مع طير الحمام
شرح بعض الكلمات (هذا الشرح لم يقم به التلميذ انما هو للتوضيح)؛
1فرقة بالريش هي فرقة موسيقية معروفة بالجهة
2الميش هو نوع من المفرقعات النارية التي يلعب بها الاطفال
3عرب النبش يقطنون بجهة قبلي بالجنوب التونسي
4 البيرات جمع بايرة هو نعت ذو معنى سلبي تنعت به المرأة الغير متزوجة رغم تقدمها في السن
النجمة هي الليلة الاخيرة في العرس

رسالة من أجل الأقصى

ايدكم معنا ننجح حملة الدفاع عن الاقصى التي تبناها الزميل
قاســـــــم أفنـــــــــدي
يقول:
بأقترح نبعث في اليوم ده (3 مارس) رسالة إلي اليونسكو لتخصيص لجنة دائمة لمراقبة والحفاظ علي المسجد الأقصى (كأثر تاريخي)وفقا لاتفاقية حماية التراث الثقافي والطبيعي أسوة بحملتهم للحفاظ علي أصنام أفغانستان وننشر نسخة من الرسالة دي علي كافة مدواناتنا ومنتدياتنا ومجموعاتنا البريدية. مع العلم أنهم بالفعل قرروا إرسال بعثة تقصي للحقائق يوم 23 فبراير
مكتب اليونسكو برام الله
b.lamine@unesco.org
مكتب اليونسكو بجنيف
geneva@unesco.org
نص الرسالة المقترحة:

Mr. Koishiro Matsuura
Unesco GM
Dear Sir,
We acknowledge and appreciate your great efforts to protect and save the priceless human heritage all over the world. Recently, we read that a group of professional investigators has been sent by the Unesco to Jerusalem to investigate the situation of Israeli excavations at the area of Al Masjed Al Aqsa, which we have a big concern that this may affect the foundations and lead to buildings collapse for one of the most important historic elements of this area and allover the world.We do support your efforts and your investigation group and looking for assigning a permanent chamber near this area to monitor, announce and stop any trial to destroy our heritage either for political or religion reasons.
Thank you
and best regards,
Sincerely,